АКШнын ДИПЛОМУ

1993-жылы негизделген БААУ Борбор Азиядагы демократиялык өзгөрүүлөр үчүн келечектеги лидерлерди даярдайт. Борбор Азиядагы Америкалык Университети гуманитардык илимдер тармагындагы америкалык билим берүүнүн мыкты салттарын камтыган эл аралык мультидисциплинардык окуу коомчулугу болуп саналат. БААУ – АКШдагы Бард колледжи менен өнөктөштүктүн аркасында Борбор Азияда АКШда аккредитацияланган гуманитардык илимдер программалары боюнча даражаларды сунуштаган биринчи университет. Бард колледжинен тышкары, БААУ дүйнө жүзүндөгү көптөгөн университеттер жана уюмдар менен өнөктөштүк мамилелерди сактап келет.

БОРБОРДУК АЗИЯНЫН ЭҢ МЫКТЫ УНИВЕРСИТЕТИ

БААУ QS рейтинги боюнча Кыргызстандын эң мыкты университети жана Борбор Азиядагы алдыңкы университеттердин бири катары таанылган. БААУ QS EECA University Rankings 2025 рейтингиндеги эң мыкты университеттердин алдыңкы 31% катарына кирген. Чыгыш Европа жана Борбор Азия аймагы батышта Чехиядан чыгышта Монголияга чейин созулган эбегейсиз чоң аймакты билдирет. Салыштырмалуу кичинекей өлчөмүбүзгө карабастан, көз карандысыз эксперттер биздин жогорку чеберчиликтеги жана эл аралык деңгээлде атаандаштыкка жөндөмдүү университет экенибизди бир ооздон тастыкташат.

ТАЖРЫЙБАЛУУ ПРОФЕССОРДУК-ОКУУТУУЧУЛУК КУРАМ

Бизде Борбордук Азиядагы эң мыкты эл аралык профессордук-окутуучулук курам бар. Биздин мугалимдер – күчтүү педагогдор жана изилдөөчүлөр. БААУда Борбор Азиядагы эң мыкты жергиликтүү жана эл аралык окутуучулар эмгектенет, сабактар негизинен англис тилинде жүргүзүлөт, бул Университеттин миссиясын жана баалуулуктарын ишке ашырууга мүмкүндүк берет. БААУда Кыргызстандан келген окутуучулар жана Австралия, Канада, Хорватия, Франция, Германия, Япония, Түркия, Россия, Түштүк Корея, Украина, Улуу Британия жана АКШ сыяктуу дүйнөнүн көптөгөн өлкөлөрүнөн келген эл аралык окутуучулар иштейт.

ЭЛ АРАЛЫК ТАЖРЫЙБА

Биздин эл аралык өнөктөштөр тармагы студенттерибизге дүйнөнү изилдөө мүмкүнчүлүгүн сунуштайт. Биз Парижден Берлинге чейин, Сеулдан Санкт-Петербургга чейин 24төн ашуун өлкөдө 50дөн ашуун алмашуу программаларын сунуштайбыз. БААУ 17 өлкөдөгү 24 өнөктөш университеттен, ошондой эле 7 өлкөдөгү 15 илимий-изилдөө жана билим берүү мекемелеринен турган Ачык коом университеттеринин жаңы глобалдык тармагынын (OSUN) мүчөсү болуп саналат. OSUN алкагында ачылган мүмкүнчүлүктөр – географиялык чек араларга карабастан, эл аралык глобалдык баарлашуу, билим жана ыкмаларды таратуу, ошондой эле тажрыйба алмашуу үчүн уникалдуу мүмкүнчүлүк.

ИЙГИЛИКТҮҮ БҮТҮРҮҮЧҮЛӨР

БААУ дагы 5500дөн ашуун бүтүрүүчүлөрдөн турган тармакка жергиликтүү жана эл аралык компаниялардын топ-менеджерлери жана жетекчилери, ийгиликтүү ишкерлер жана менеджерлер, жогорку деңгээлдеги мамлекеттик ишмерлер, коммерциялык эмес жана бейөкмөт сектордун лидерлери, кадыр-барктуу журналисттер жана дүйнө жүзүндөгү университеттердин профессорлору кирет. БААУнун бүтүрүүчүлөрүнүн 95% окуусун аяктагандан кийин 3 айдын ичинде өз карьерасын башташкан. БААУ бүтүрүүчүлөрү иштеген жогорку класстагы эл аралык компаниялардын тизмеси абдан чоң, анын ичине ADB, Bloomberg, Baker Tilly, DAAD, DaimlerChrysler, Facebook, GIZ, Google, HSBC, ЭККК (МККК), ЕККУ, PHILIPS, Бүткүл дүйнөлүк банк, БУУӨП, ЮНИСЕФ жана дүйнө жүзүндөгү көптөгөн эл аралык жана жергиликтүү компаниялар кирет.

ЗАМАСБАП КАМПУС

БААУда сиз Борбор Азиядагы эң заманбап жана уникалдуу имаратта билим аласыз. БААУ ресурстарына кеңири электрондук жана басма китепкана фондулары, жабык спорт залдары, заманбап телекөрсөтүү жана үн жаздыруу студиясы, ошондой эле экологиялык химия лабораториясы кирет. “Байыркы Жибек жолунун борборунда жайгашкан БААУ идеялардын заманбап соода борбору болуп саналат. Ачык көрүнгөн, ийкемдүү жана тыгыз мейкиндиктерден турган дизайнердик трио окутуунун негизги компоненттери болгон катышууга, кызматташууга жана өз ара аракеттенүүгө өбөлгө түзөт”,- дейт архитектор Генри Майерберг.